Schiisseli Blues

Ibach HB

     

VOC

TEXT

TONART: G

     
 

Ich mache hie keis Drama
Und gwüss kei langi Gschicht
Es git kei Analyse
und kei Expertebricht
S bliibt niene nüüd wie's isch
au wenns eim mängisch z'Härz schier bricht.

 
     
 

Zwüschet Chrüüz und Brüggli
Stahd ds Schiisseli im bruunä Gwand
Es bruucht bimeich keis Chämi
und au keis Fänschter i der Wand
Keis Vordach für dä Pauli
Mit em Iistee i der Hand.

 
     
 

Und vis à vis im Brüggli
am gliichä Muotastrand
Hend de Pulver und der Güllegon
Scho lang keis Bier meh i der Hand
Nur still und einsam handed
Der Henri Guisan a der Wand

 
     
 

Bim Josy nu im Rössli
isch mängisch luschtig gsii
"Schusch nu öpper Schwiinswürschtli?"
Das isch scho lang verbii
Ds Rössli gits jetzt nümmä
Und au keis kfi

 
     
 

Im Chrüüz und i der Ehrlä pfiift
nu der fascht der alti Wind
Und ds'Leni, wo das au begriift
Seid: "Föhnig - He - du Pfiffegrind"
Und wird au hienta giftläd
So friinids wieder gschwind.

 
     
 

Und zwüschet Chrüüz und Brüggli
stahd ds Schiisseli im nüä Kleid
Und wemes richtig gschauet
De isch's doch gar nid eso leid
's bliibt niene nüd wes isch
I alli Ebigkeit (Amen)